منبر الشعراء
يا جيش حانب.. ك الشاعر أبو سالم الجحربي
ياجيـش حانـب بالمجمــع والتبــب
لن تسرقون النصـر من حد الحـراب
النصــر للعمــلاق ذي شــب اللهــب
في كل جبهه يوم عطـاف الرقــاب
يوم انطلق لعصار من شبوه وهــب
ومرقوا انــف المجوســي بالتــراب
الحــرب للابطــال رميــان السلــب
ماهـو لعشــاق العبايــه والحجــاب
جيش الجنوب الحر عملاق العــرب
رافع شعار النصر من فوق السحاب
اما جيــوش الــذل تظهــر بالرتــب
ان دق ناقوس الخطر تصبح سراب
عبده مجلي بالغلــط ماشي حســب
حسب المثل عبده تلخبط بالحساب
جيشه خونجي لاسمع طلقه هــرب
جيش الصــور والكيمــرا والوتساب
يامسعده يوم البلاء يشتي شنــب
لاتحسبين النصر هربه وانسحــاب
اليوم حق الحــق والنصـر اقتــرب
بوادر التحريــر دقــت كــــل بــاب
يالانتقالــي دام عهـدك عـن كثــب
عهد الرجال الاوفياء اهل الكتـاب
عهد الزبيــدي والقيــاده والنخــب
عهد الشهـاده للوطــن دم الشبــاب
رهن الاشــاره كلنــا وقت الطلــب
من حوف للمندب خبرنا والجواب
الشعب ذي فجــر براكين الغضــب
ياعاش حرآ او دفن تحت التــراب