منبر الشعراء
مثل ماكنت متوقع
الشاعر نشوان الجعوني
مثل ماكنت متوقع من اليوم لول
كل شي منتهي والعاصفه منتهيه
كل شي كان من اول دقيقه مجدول
وانكشف كل شي في اخر المسرحيه
لاتقولون لي وضع التحالف تحول
والقويه ضعيفه والضعيفه قويه
طولوها وذي بحفر على النفط طول
والانابيب من تحت الثرى مختفيه
والبواخر بعرض البحر من جا تجول
ينهبون السمك والشرعيه مستحيه
وانتقالي عدن مثل المعاق المعطول
كل ما مد يده للهدف ماوليه
مات شعبه وهو بيقول مانا مخول
واصبحت دبة البترول اكبر قضيه
من سبب كذبهم ذي ماتسول تسول
واصبح الجوع يعوي بالبطون الخليه
لبس البلطجي ميري جنوبي وسرول
واصبح السمسري ظابط وقايد سريه
من لقي ارضيه لاداخل الحوش طرول
ياخذو كل شي بالقوه العسكريه
ماشبع ماقنع ياكل بليمن ولشول
ياكل اللحم والعظمه عشا للبقيه
والقيادات ذي كانت من الصف الاول
طفشوها من الميدان لما صفيه
من عجيب الزمن تتقدم الصف عول
جيش كله عفر خارج عن الجاهزيه