منبر الشعراء
شعر .. عينك مع الانتقالي قلبك بيخفق لعفاش
جديد الشبل سليمان ثابت عوض اليهري
ـــــــــــــــــــــــــــ
غـشيتني فـي كـلامك وضـحكتك والـتفرفاش
الــو الــو كـل سـاعه سـمر و ضـحكه و درداش
غـريـتني فــي الـشـياكة و في الـدلـع والـتـنقاش
وانــا حـسبتك حـبيبي طـلعت خـاين وغـشاش
أنــا حـسبتك شـريكي سـلمتك الـمصلحة كـاش
طـلـعت يـا ذاك عـقرب تـلدغ بـذيلك وتـنحاش
يـا طـير سـافر بـخطي حـلّق بـجنحك و لرياش
خذ لك مع السرب جوله. يكفيك عامد بلعشاش
يـا طـير قـل لـلحبايب يـكفيهم إقصاء و همّاش
لــي بـعـدهم الــف طـعـنة و ١٠ طـلـقات رشـاش
يــا حــب كـلّك خـيانة. يـا طـبع كـلّك تـدحباش
مـا نـنكر اصـلك جـنوبي و داخـلك الف دحباش
أنـت الـسبب في عنادك صدّقت درهم و بجاش
وأنـا انـصحك ألـف مره لا تسمع انسان حشّاش
نـحـن مـعـانا قـضـيه و انـتـه تـتـاجر و تـعتاش
نـحن نـناضل تـطوع وانـته عـقارات و أحـواش
يــا بـاسلة يـا كـريتر ربـي مـن الـعرش يـرعاش
مـهما الـظروف اجـبرتنا بـالروح والـدم نـفداش
دار الـزمن وافـترقنا. وتـخربش الوضع خرباش
اذكّـــرك والـمـدامع تـجـري عـلـى الـخـد درداش
أن رحـت قـلتي خيانة وان جيت قلتي تحراش
كــيـف الـنـهاية مـعـاكي زاد الـحـنب والـتـبلاش
غـرّك حـبيب الـمصالح فـرّش لـك الكذب فرّاش
غـيرك بـيطلب مـفطح وانـتي حلاوى و فشفاش
حـب الـمصالح مؤقت مصيره يموت. وان عاش
بـايعيش عـيشة مـبهذل بـين الـطوارئ ولنعاش
قـالوا حـجر قلت ونعم حجر ومن بطن منقاش
لا سـامـحه ذي بـناها لـبنه عـلى سـاس هـشاش
سـيـاسـة الـجـحمليه خـلـيط اعــداء و اوبــاش
اولـتها (واو طـا نـون) واخـرتها طاش ما طاش
هــذا و آخــر رسـالـه يــا حــب يـكـفيك طـنّاش
حـاول تـراجع حـسابك بـدون مـاضي و فـتاش
اخـتار واحـد مـن اثـنين اما كذا صعب نرضاش
عـيـنك مــع الانـتـقالي. قـلـبك بـيـخفق لـعفاش
خــط الـرمـادي مـقـفل جــدار عــازل و بـلـكاش
أبـيض و أسـود أمـامك اما انضبط وأما انحاش
لا عـافيه بـعد مـجرم. لا خـير مـن وجـه نـباش
لو طوقوك الجحافل يصعب عليك التحشحاش
عـرس جـنوبي شـمالي واضـح كـما نـور لغباش
شُــرب الـمرق لـلشواعة وحـنا نـضحي بـلكباش