منبر الشعراء
شعر.. شحّت علينا ظروف الوقت تبا لها
منبر عدن - خاص
شحّت علينا ظروف الوقت تبا لها
وحولها حظنا العاثر نصب خيمته
ما غير نربط خيوط الصبر ونحلها
عله مع الوقت يسقينا مطر غيمته
وعلى امل يا عسى الايام ولعلها
نغطي الجرح فوق الجرح ونصمته
نحمل هموم الليالي السود ونشلها
ونترقب الصبح يهدينا شرف طلته
لكن بتبقى مبادئنا على حـــالها
والمجــد دائم بـنتربع على قمته
ومناقب الجود رغم الشح نحن اهلها
وكل معروف نتواجد على ساحته
لا نقبل اللوم .... والزلة لمن زلّــها
والكفو بالناس من يعرف ثمن كلمته
نبني العلاقات ونحافظ على وصلها
ونكسر عيون الحسد والالسن الشامته
وتهون كامل كنوز الارض واموالها
ولا بنا من خضع او تنحني قــامته
#عبدالرحمن_الطحطوح