رساله إلى القائد عيدروس

يابـو قاسم  اعلن  وبعدك 
              كل  الشعب    ثوره  جنوبيه
واللـي    مـايـربوه   اهلـه
              نحنا.   يالزبيدي       نــربيه

حذرنـــا  لهم  الف  مــره
            نبهنــا       لهم   الف    تنبيه
ماللسلم  بـــاقـي  مساحه
           كاملهــا    مساحات     حربيه

نعرف  ماتعانــــي   وتعمل
         رقم      الزوبعـــه     والضبابيه
نعــــــرف  بالاشقا  ونعرف
          ماخلف     الستـــاره    مخبيه

اشـر نحـن رهــــن  الاشاره
          نــــادي      والندا     بــانلبيه
اخــــر  حــل  بالنــار لحمر
           ماتنفـــع    عقاقيــر.    طبيه

جيش وامــــــن ننظر اشاره
           والتعزيز   قــوات      شعبيه
فرض الواقــع اضمن طريقه
           من    ايـــــة طريقه حسابيه

لا سلطـــه   ولا   للرئاســـي
           شرعيــــــــه   ولا    للنيابيه
نحن شعب في وضــــع ثوره
           مافيهــــــا   حكومه وحزبيه

نغسل مهــــرة الخير نغسل
           وادي   حضرموت    وروابيه
لعوج   نخرجــــــه  بالعبايه
           مايخرج  بزنــــــــه  وجنبيه

نمسك نفطنـــــا والسواحل
             مافــي ضــخ مافيش تعبيه
تاتــــي لعترافـــــــات. فينا
             والشركات شرقــــي وغربيه

يــاعيشة  كـــــرامه وعـــزه
             مايشبه  لهــــــا   اي  تشبيه
يا موتـة شهـــــــاده شريفه
             والباقــــــي من العمر مابيه 
@@@@@@@@@@

كلمات الشاعر :
✍️ابو لحمدي السليماني
5/12/2022